Maxfiylik siyosati

Kirish va buyurtma

Kirish va buyurtma uchun telefon raqami, qabul qiluvchining ismi va yetkazish manzili kerak; joyni xaritada o'zingiz belgilasangiz — o'sha nuqta ham. Ular buyurtmani qabul qilish, yig'ish, yetkazish va karta bonuslarini hisoblash uchun kerak va do'konning hisob dasturida saqlanadi.

Cookie va brauzer xotirasi

Kirish cookie'si sizni hisobingizda saqlab turadi. Savat va boshlangan buyurtma shakli brauzeringiz xotirasida saqlanadi.

Meta Pixel (Instagram va Facebook reklamasi)

Sayt Instagram va Facebook'dagi reklamani baholash va uni qiziqqan odamlarga ko'rsatish uchun Meta Platforms kompaniyasining Meta Pixel'idan foydalanadi. Pixel o'z cookie'larini qo'yadi va Meta'ga saytdagi harakatlarni — mahsulotni ko'rish, savatga qo'shish, buyurtma berish va uning summasi, qidiruv, «Qo'ng'iroq qilish» yoki «Telegram» tugmasini bosish — brauzerning texnik ma'lumotlari (sahifa manzili, IP-manzil, qurilma turi) bilan birga yuboradi. Telefon, ism va manzilni sayt Meta'ga yubormaydi.

AZALY ilovalari (iPhone va Android)

iPhone va Android uchun AZALY ilovalari Instagram va Facebook'dagi ilova reklamasini baholash uchun Meta Platforms kompaniyasining Meta SDK (FacebookCore) dan foydalanadi. SDK Meta'ga ilova o'rnatilgani va ochilgani haqida xabar hamda qurilmaning texnik ma'lumotlarini (model, tizim versiyasi, til) yuboradi. Qurilmaning reklama identifikatori (IDFA/AAID) olinmaydi; ismingiz, telefoningiz va xaridlaringiz Meta'ga berilmaydi; bu ma'lumotlar sizni boshqa ilova va saytlarda kuzatish uchun ishlatilmaydi. Ilova ichidagi do'kon sahifalaridagi harakatlarni Meta Pixel faqat Android ilovasida, saytdagidek hisobga oladi (yuqoriga qarang); iPhone ilovasida piksel yuklanmaydi.

Microsoft Clarity (sayt qanday ishlatilishi)

Sayt tashrif buyuruvchilar sahifalardan qanday foydalanishini ko'rish uchun Microsoft kompaniyasining Microsoft Clarity xizmatidan foydalanadi: qayerni bosishadi, qayergacha aylantirishadi va qayerda chiqib ketishadi — shu orqali noqulay joylarni topamiz. Clarity o'z cookie'larini qo'yadi va harakat, bosish va aylantirishni brauzer va qurilmaning texnik ma'lumotlari bilan birga yozib oladi. Maydonlarga kiritgan narsangiz — telefon, ism, manzil, SMS kodi — yozuvga tushmaydi, kabinet, savat va chatdagi ism, manzil va yozishmalar esa yuborilishidan oldin qurilmangizning o'zida yashiriladi. Clarity cookie'larini brauzer sozlamalarida taqiqlashingiz mumkin.

Kiyib ko'rish va Azaliya yordamchisi

Kiyib ko'rish uchun rasm va Azaliya yordamchisiga yozilgan xabarlarni tashqi sun'iy intellekt xizmati qayta ishlaydi. Rasm faqat kiyib ko'rish uchun ishlatiladi va darhol o'chiriladi, natija 7 kun saqlanadi.

Sizning tanlovingiz

Reklama cookie'larini brauzer sozlamalarida yoki Meta reklama sozlamalarida taqiqlashingiz mumkin. Qaysi ma'lumotlaringiz saqlanayotganini bilish yoki ularni o'chirishni so'rash uchun biz bilan bog'laning.

Sayt va ilovadagi harakatlaringiz

Saytdan va ilovadan qanday foydalanishingizni — qaysi bo'lim va tovarlarni ko'rganingiz, nimani qidirganingiz, savatga nima solganingiz — o'z serverimizda saqlaymiz. Bu sizga mos tovarlarni ko'rsatish va xabarlar uchun. Ma'lumot boshqa kompaniyalarga berilmaydi va sotilmaydi. 180 kundan keyin o'chiriladi. Kirgan bo'lsangiz, bu tarix telefon raqamingizga bog'lanadi; o'chirishni so'rash — akkauntni o'chirish sahifasida.

Biz bilan bog'lanish

Ma'lumotlar bo'yicha savollar — telefon yoki Telegram orqali:

• +998 99 112 14 14
• @azaly_menedjer
• @azaly.uz